Amavubi Latest news

Amavubi yitwaye neza anganya na Mali i Bamako

Mu mpera z'icyumweru dushoje hakinwe imikino y'amajonjora yo guhatanira itike yo kuzakina imikino ya nyuma y'igikombe cy'isi kizabera muri Bresil 2014 ku makipe y'ibihugu yo mugabane wa Afurika. Mw'itsinda H ririmo ikipe y'igihugu y'u Rwanda (Amavubi), Algeria, Benin na Mali, Amavubi yari yerekeje i Bamako muri Mali.

Umukino wahuje aya makipe yombi (Rwanda vs. Mali) warangiye anganyije igitego 1-1, igitego cy'Amavubi cyatsizwe na KAGERE MEDDIE ku munota wa 33 w'igice cya mbere, iminota 45 y'igice cya mbere irangira ntagihindutse.

Igice cya kabiri Mali yaje ifite imbaraga nyinshi ishaka uburyo yakwishyura ariko abasore ku ruhande rwa Amavubi bakina inyuma baranga bayibera ibamba, ibintu byahindutse ubwo Haruna Niyonzima yahabwaga ikarita itukura ku munota wa 65 agahita asohoka mu kibuga ikipe y'u Rwanda bagasigara ari 10 kuri 11 ba Mali.

Ku munota wa 78 nibwo Mali yaje gutsinda igitego cyo kwishyura gitsinzwe na N’Diaye, Mali ikomeza gushaka igitego cy'itsinzi ariko umukino urangira amakipe yombi anganyije 1-1.

Abakinnyi babanje mu kibuga: Ndoli Jean Claude , Michel Rusheshangoga, Sibomana Abouba, Nirisarike Salomon, Faustin Usengimana, Fabrice Twagizimana, Haruna Niyonzima, Buteera Andrew, Meddy Kagere, Olivier Karekezi, Iranzi Jean Claude.

Dore uko amakipe akurikirana mw'itsinda H

Urutonde rw'abasore 22 bagomba kujya guhatana na Mali

Nyuma y'umwiherero ikipe y'igihugu y'umupira w'amaguru (AMAVUBI) yakoreraga mu Karere ka Rubavu mu burengerazuba bw'igihugu cyacu, aho bakoraga imyitozo inshuro ebyiri ku munsi bitegura imikino y'amajonjora yo guhatanira itike yo guzakina imikino ya nyuma y'igikombe cy'isi kizabera ku mugabane wa Amerika y'epfo mu gihugu cya Bresil 2014 ndetse n'imikino ya CHAN aho amakipe y'ibihugu akinisha gusa abakinnyi baba bakina mu makipe yo mu bihugu iwabo (clubs).

Umutoza w'ikipe y'igihugu NSHIMIYIMANA ERIC yashyize ahagaragara urutonde rw'abakinnyi 22 bagomba kwerekeza i Bamako muri Mali aho bagiye gukina umukino wo kwishyura uzaba kuri iki cyumweru tariki ya 09/06/2013, Amavubi akaba azahaguruka ejo tariki ya 06/06/2013 ku kibuga cy'indege mpuzamahanga cya Kigali i saa cyenda n'igice 15H30. Twabibutsako mu mukino ubanza wabere i kigali kuri stade amahoro, ikipe ya Mali ariyo yitwaye neza kuko yatahanye instinzi y'ibitego 2-1.

URUTONDE RW'ABAKINNYI 22 BAZAKINA NA MALI

Abazamu

1. Ndoli Jean Claude (APR FC)

2. Mutuyimana Evariste (Police FC)

Abakinnyi binyuma

1. Nirisarike Salomon (Royal Antwerp)

2. Bayisenge Emery (APR FC)

3. Ngaboyisibo Jean Bosco (APR FC)

4. Sibomana Abouba (Rayon Sport)

5. Usengimana Faustin (Rayon Sport)

6. Rusheshangoga Michel (APR FC)

7. Nshutiyamagara Ismail (APR FC)

Abakinnyi bo hagati

1. Twagizimana Fabrice (Police FC)

2. Mugiraneza Jean Baptiste (APR FC)

3. Iranzi Jean Claude (APR FC)

4. Mushimiyimana Mouhamed (AS KIGALI)

5. Buteera Andrew (APR FC)

6. Niyonzima Haruna (Yanga FC)

7. Sibomana Patrick (Isonga FC)

8. Hategekimana Aphrodis (Rayon Sport)

Abakinnyi bakina imbere

1. Karekezi Olivier Fils (AC Bizertin)

2. Uzamukunda Elias (Cannes)

3. Kagere Medie (Police FC)

4. Kagabo Peter (Police FC)

5. Ndahinduka Michel (Bugesera FC)

Uko amakipe agabanyije mu matsinda mw'irushanwa CECAFA Kagame Cup 2013

Rayon S. yegukanye igikombe cya shampiyona 2012/2013

Muri shampiyona y'icyiciro cya mbere mu mupira w'amaguru (PNFL) mu Rwanda, uyu munsi tariki ya 15/05/2013 hakinwe imikino y'umunsi wa 25, nyuma y' umukino ikipe ya MUSANZE FC yari yakiriyemo RAYON S. kuri stade amahoro i Remera, uwo mukino ukaba warangiye Rayon sport itsinze igitego 1-0 cya bonetse mu gice cya kabiri cy'umukino gitsinzwe na rutahizamu wabo AMISSI CEDRIC akaba ari nawe kugeza ubu ufite ibitego byinshi.

Iyo ntsinzi ikaba yatumye ikipe ya RAYON SPORTS yegukana igikombe cya shampiyona umwaka wa 2012/2013 habura umukino w'umunsi wa 26 ari nawo ugomba gusoza shampiyona, uwo mukino  ukazayihuza na ESPOIR FC tariki ya 25/05/2013.

Dore uko  imikino y'umunsi wa 25 muri PNFL yarangiye

MUKURA VS 3-2 ESPOIR FC

AMAGAJU FC 0-3 POLICE FC

AS KIGALI 2-0 MARINES

MUSANZE FC 0-1 RAYON SPORTS

MUHANGA 1-1 KIYOVU SPORTS

ETINCELLES 1-0 ISONGA FC

LA JEUNESSE FC 1-0 APR FC