U 20

Itangazo rya komisiyo y'ubujurire ya ferwafa ku kibazo cya SORWATHE FC

 

 

 

 

 

 

 

 

 

ITANGAZO RYA KOMISIYO Y’UBUJURIRE YA FERWAFA

 

Komisiyo y’Ubujurire ya FERWAFA iramenyesha abakunzi b’umupira w’amaguru ko kuwa 03/05/2013 yafashe icyemezo ku bujurire bwari bwatanzwe n’ikipe ya SORWATHE FC na bamwe mu bakinnyi bayo aribo NSHIMIYIMANA Hassan, HARELIMANA Suleiman, NDAYISHIMIYE J. Bosco na NGIRIYOMBONYE Eric.

1. I. UKO IKIBAZO GITEYE MURI MAKE

Kuwa 11/03/2013 Komisiyo ishinzwe imyitwarire muri FERWAFA (commission de discipline) yafashe icyemezo ku myitwarire yagaragaye nyuma y’umukino wahuje ikipe ya GASABO UNITED na SORWATHE FC, aho umusifuzi witwa MUNYANEZA Emmanuel yakubiswe akanamburwa amafaranga yari afite angana n’ibihumbi mirongo itatu n’umunani (38.000 Frw).

Komisiyo ishinzwe imyitwarire ya FERWAFA muri icyo cyemezo yafashe kuwa 11/03/2013, yahanishije ikipe ya SORWATHE gutanga ihazabu y’amafaranga ibihumbi mirongo itanu (50.000Frw), ndetse ikanasubiza umusifuzi MUNYANEZA Emmanuel amafaranga yambuwe angana n’ibihumbi mirongo itatu n’umunani (38.000Frw) kubera imyitwarire mibi y’umutoza wayo hamwe n’abakinnyi.

Komisiyo ishinzwe imyitwarire ya FERWAFA yahanishije umutoza KAGORORA Phocas gucibwa ku bibuga byose byo mu Rwanda mu gihe cy’imyaka ibiri n’ihazabu y’amafaranga ibihumbi magana abiri (200.000 Frw). Iyo Komisiyo yahanishije kandi abakinnyi ba SORWATHE FC aribo : NDAYISHIMIYE J Bosco, HARELIMANA Suleiman, NSHIMIYIMANA Hassan na NGIRIYOMBONYE Eric guhagarikwa amezi atandatu n’ihazabu y’amafaranga ibihumbi icumi (10.000 Frw) kuri buri wese.

NDAYISHIMIYE J Bosco, HARELIMANA Suleiman, NSHIMIYIMANA Hassan na NGIRIYOMBONYE Eric abakinnyi ba SORWATHE FC hamwe n’ikipe ya SORWATHE FC bashyikirijwe imyanzuro bafatiwe kuwa 13/03/2013 ntibishimira imikirize y’icyemezo bafatiwe maze kuwa 14/03/2013 ikipe ya SORWATHE FC, NDAYISHIMIYE J Bosco, na NGIRIYOMBONYE Eric bajuririra Komisiyo y’ubujurire naho kuwa 15/03/2013 HARELIMANA Suleiman na NSHIMIYIMANA Hassan nabo bajuririra icyemezo bafatiwe.

1. II. ICYEMEZO CYA KOMISIYO Y’UBUJURIRE

Komisiyo y’Ubujurire ya FERWAFA imaze gusuzuma ibikubiye mu nyandiko z’ubujurire, imaze kumva abajuriye ndetse n’ubuhamya bw’abasifuzi n’Umugenzuzi w’umukino wahuje ikipe ya GASABO UNITED na SORWATHE FC, aho umusifuzi witwa MUNYANEZA Emmanuel yakubiswe akanamburwa amafaranga yari afite angana n’ibihumbi mirongo itatu n’umunani (38.000 Frw),  yafashe ibyemezo bikurikira:

1. Komisiyo y’Ubujurire ya FERWAFA yemeye kwakira ubujurire bwatanzwe na SORWATHE FC, HARELIMANA Suleiman, NSHIMIYIMANA Hassan, NDAYISHIMIYE J Bosco, na NGIRIYOMBONYE Eric kuko bwaje mu nzira no mu buryo bikurikije amategeko, ibusuzumye isanga nta shingiro bufite.

1. Komisiyo y’Ubujurire ya FERWAFA yemeje ko nta gihindutse ku cyemezo cyafashwe na Komisiyo ishinzwe imyitwarire kuwa 11/03/2013.

N.B. Icyemezo cya Komisiyo y’Ubujurire ya FERWAFA gikubiyemo ibisobanuro byayo mu buryo burambuye ndetse n’amategeko yashingiweho mu gufata icyemezo, cyashyikirijwe Ubunyamabanga Bukuru bwa FERWAFA kugirango kimenyeshwe abajuriye.

Bikorewe i Kigali kuwa 08/05/2013

ITAMWA MAHAME Emmanuel, Perezida wa Komisiyo y’Ubujurire ya FERWAFA / Sé

Igikombe cy'amahoro cyabonye umufatanyabikorwa

 

 

 

 

 

Nyuma y'imikino y'amajonjora muri 1/16, FERWAFA yishimiye kubamenyesha ko Igikombe cy'Amahoro cyabonye umufatanyabikorwa ariwe "IMBUTO FOUNDATION", icyo gikombe ubu kikaba cyitwa "PEACE CUP AIGANST MALARIA". Ubu bufatanye niyo nzira y'iterambere ry' umupira w'amaguru mu Rwanda.

FERWAFA n'IMBUTO FOUNDATION basinye amasezerano y'ubufatanye yo kurwanya MALARIA binyujijwe mu irushanwa ry'igikombe cy'Amahoro 2013, kuko Malaria ari imwe mu ndwara zibangamira bikomeye ubuzima bw'abana, ababyeyi ndetse n’abanyarwanda muri rusange.  Ayo masezerano akubiyemo ibikorwa bizatwara ingengo y'imari ya Miliyoni 97 atanzwe n'IMBUTO FOUNDATION ku nkunga ya GLOBAL FOUND, azajya mu makipe, mu bihembo, mu bikoresho, mu kumenyekanisha icyo gikorwa, ndetse hashyirwaho n'uburyo bwo gukurikirana no kugenzura ikoreshwa ry'iyo ngengo y'imari. Turasaba abakunzi b'umupira kwitabira imikino y'igikombe cy'Amahoro turwanya Malaria no gukurikira inyigisho n'ubutumwa buzatangwa muri iyo mikino.

Kigali kuwa 25/03/2013

Ubunyamabanga bukuru bwa FERWAFA

Kigali, ku wa 22/03/2013

Ubunyamabanga bukuru bwa FERWAFA.

Last Updated on Tuesday, 26 March 2013 20:19

Itangazo kubifuza gukora amahugurwa y’abatoza ngorora mubiri

 

 

 

 

 

 

 

 

 

 

 

 

 

 

 

Ishyirahamwe ry ‘umupira w’amaguru mu RWANDA  (FERWAFA) ritewe inkunga n’ishyirahamwe ry’umupira w’amaguru kwi ISI( FIFA) ryateguye amahugurwa y’abatoza ngorora mubiri  (PREPARATEURS PHYSIQUES des footballeurs ) guhera tariki ya 12 kugeza kuri 16 Werurwe 2013.

Abifuza gukurikirana ayo mahugurwa babisaba mu nyandiko kandi bakaba bujuje ibi  bikurikira, bakabigeza kuri FERWAFA mbere y’itariki ya 15 Gashyantare 2013.

-  Kuba afite imyaka y’amavuko iri hejuru ya 25 ;

-  Kuba ashobora gukurikirana amahugurwa mu Gifaransa cyangwa mu Cyongereza ;

-  Kuba ari umutoza mu cyiciro cya mbere cyangwa icya kabiri ;

- Kuba yarakurikiye amasomo mw’ ishuri rya siporo muri rusange harimo by’umwihariko umupira w’amaguru.

Buri wese asabwe gushyiraho umwirondoro we (C.V).

 

Ubuyomozi bwa Direction Technique Nationale (DTN)

 

Last Updated on Friday, 10 May 2013 09:25

[UPDATE]Itangazo rigenewe abasore n’inkumi bashaka kuba abasifu

 

 

 

 

 

 

ISHYIRAHAMWE RY’UMUPIRA W’AMAGURU MU RWANDA (FERWAFA) RIRAMENYESHA ABASORE N’INKUMI BASHAKA KWIGA UMWUGA WO GUSIFURA KO BASABWA KUZANA DOSSIERS ZABO KURI FERWAFA CG BAKAZOHEREZA KURI E-MAIL  “ This e-mail address is being protected from spambots. You need JavaScript enabled to view it “ BITARENZE TARIKI YA 25/01/2013 SAA MOYA ZA MUGITONDO ZUZUYE (7H00).

DOSSIERS ZABO ZIZABA ZIKUBIYEMO IBI BIKURIKIRA :

-         KOPI Y’IRANGAMUNTU (KUBA UTARENZA IMYAKA 25 Y’AMAVUKO )

-         URWANDIKO RUSABA KUBA UMUSIFUZI

-         KOPI Y’IMPAMYABUSHOBOZI BYIBURA (DIPLOME A2) Y’AMASHULI YISUMBUYE      

-         ICYEMEZO CYA MUGANGA (ATTESTATION D’APTITUDE PHYSIQUE)

-         CURRICULUM VITAE (UMWIRONDORO)

-         IFOTO NGUFI (FOTO PASSPORT)

-        INYEMEZABWISHYU KU BAHUNGU GUSA (BORDEREAU DE VERSEMENT YA 5000 FRW KURI KONTI FERWAFA YO MURI BANKI YA KIGALI   N^o 040-0015639 -55.

UKO IBIZAMINI BIZAKORWA :

-         HAZABANZA IKIZAMINI CYO KWIRUKA (TEST PHYSIQUE) TARIKI YA 25/01/2012 SAA MOYA ZA MUGITONDO (7h00) KURI STADE AMAHORO. ABAZAGITSINDA NIBO BONYINE BAZABA BEMEREWE KWITABIRA AMAHUGURWA NO GUKOMEZA IBINDI BIZAMINI

-         KUZA MU MAHUGURWA Y’IMINSI INE (4) KU MUNSI WA GATANU(5) HAKABA IKIZIMINI CYANDITSE

-         IKIZAMINI CY’INDIMI

ICYITONDERWA

-         KUBATURUKA MU NTARA BIZABA ARI AKARUSHO

-         ABATURUKA MU NTARA NIBABA BENSHI, FERWAFA IZAKORESHA IBIZAMINI BYABO MU NTARA ZABO

-         ABASIFUZI B’ABAKOBWA BASABWE KWITABIRA ARI BENSHI

Bikorewe i Kigali Ku wa 10/01/2013

GASINGWA Michel,

SG FERWAFA

Last Updated on Thursday, 10 January 2013 15:12