Rwanda U-20 yatsinze Uganda Hippos

Ikipe y'igihugu y'abatarengeje imyaka 20 yatsinze Uganda Hippos 2-0 mu mukino mpuzamahanga wa gicuti wabereye i Nakivubo, Kampala kuwa gatatu.

Ibitego by'ikipe y'urwanda byatsinzwe na Emmanuel Sebanani usanzwe ukinira ikipe ya Mukura na Kipson Atuheire ukinira ikipe ya APR hano mu Rwanda. Umukino ubanza ibihugu byose byari byanganyije 1-1 i Kigali mu kwezi kwa kabiri.

Uyu mukino wari ugamije gufasha umutoza Richard Tardy gutegura ikipe y'iguhugu mbere yuko batangira gukina imikino nyafurika y’amanjojora y’igikombe cya Afurika cy’abaterengeje imyaka 20.

U’Rwanda ruzakina na Namibia naho Uganda ikine na Mozambique mu kwezi gutaha.