Amavubi yanganyije na Benin

Ikipe y’igihugu y’umupira w’amaguru y’urwanda, Amavubi yanganyije igitego 1-1 n’ikipe y’igihugu ya Benin mu mukino wa kabiri w’itsinda H gushaka itike yo gukina igikombe cy’isi cya 2014 kizabera muri Brazil.

Uyu mukino wabereye kuri sitade Amahoro kuri iki cyumweru.

Umukinnyi wa Benin usanzwe akinira ikipe ya Zamalek Razak Omotoyossi niwe wabanje kubona igitego cy’instinzi kuruhande rwa Benin ku munota wa 75 nyuma yaho abadefanseri b’ikipe y’Amavubi bananiwe kumvikana ku mupira wari ubari mu maguru yabo maze Omotoyossi ahita awubaka atera ishoti rikomeye ryanyuze ku munyezamu Jean Claude Ndoli ku munota wa 75.

Ikipe y’Amavubi yarase ibitego byinshi yaje kubona igitego cyayo ku munota wa 85 nyuma ya penaliti yatsinzwe na Bokota Labama.

Bokota yatezwe na Jordan Adeoti mu rubuga rwa amahina mugihe yari ari yerekeje mw’izamu agiye gutsinda.

Uyu mukino waranzwe n’imvururu hasigaye iminota nyuma yaho Adenon Abdou Khaled atigeze ashimishwa n’ikimezo cyo gutanga penaliti maze asagarira umusifuzi uturuka mu gihugu cya Ethiopia witwa Bamlak Tessema Weysa.

Bamlak nawe yahise amwereka ikarita y’umutuku ariko umukinnyi yarinze ava mukibuga hifashishijwe police kuko yashakaga ku mukubita.

FIFA ishobora kuzahana Khaled nibona raporo ya komiseri w’uyu mukino kubera ko atagaragaje imyitwarire myiza.

Ikipe y’Amavubi imfite inota rimwe ubu ikaba iri ku mwanya wa gatatu naho Benin iyoboye itsinda n’amanota ane mugihe tugitegereje kumenya uko Mali iri bukine na Algeria ir’ijoro i Ouagadougou muri Burkina Faso.

Abakinnyi babanjemo:

Rwanda: Jean Claude Ndoli, Fabrice Twagizimana, Tumaine Ntamuhanga, Meddie Kagere, Salomon Nirisarike, Haruna Niyonzima, Eric Gasana (Mugiraneza Jean), Olivier Karekezi (Bokota Labama), Jean Claude Iranzi, Steven Godfroid, Elias Uzamukunda (Dady Birori).

Benin: Fabien Farnulle, Khaled Adenon, Djiman Koukou, Jordan Adeoti, Romuald Bocco (Kobena Nouhoum), Razak Omotoyossi, Michael Pote, Arsene Menessou, Anicet Adjamossi, Stephane Sessegnon, Jocelyn Ahoueya (Maiga Gariga Abou).