2013 AYC Qualification: Mali vs. Rwanda-18.00hrs

Uyu munsi, ikipe y’igihugu y’abatarengeje imyaka 20 irahura na Mali mu rugamba rutoroshe rwo gushaka tike yo gukina imikino yanyuma y'igikombe cy'afurika izaba umwaka utaha muri Algeria.

Nyuma yo kwitwara neza mu mukino ubanza i Kigali, ikipe y'urwanda irajya muri uyu mukino ifite impamba y'igitego kimwe gusa nyuma yaho umukino ubanza warangiye Amavubi U-20 atsinze Mali 2-1. Ibitego byatsinzwe na Emmanuel Sebanani na Patrick Umwungeli.

Umutoza Richard Tardy aratangaza ko ikipe ye iri bukine uyu mukino ishaka intsinzi kuko ashaka ko igihugu cy'urwanda cyigera mu cyiciro cya gatatu ari na cyo cya nyuma mu guhatanira itike yo kujya mu mikino y’igikombe cy’Afurika kizakinirwa muri Algeria umwaka wa 2012.

"Turabizi ko Mali itaza kutworehera kuko iza kuba ikinira iwayo ariko mfite abasore bameze neza kandi mfite ikizere cy'uko turi bwitware neza tugataahukana itsinzi".

Ikipe y'Urwanda irasabwa kuganya na Mali kugirango ishobore kugera mu cyiciro cya nyuma cy’aya majonjora aho yahura n'ikipe izagutsinda hagati ya Lesotho na Zambia.

Umukino  w’u Rwanda na Mali uraba uyu munsi tariki ya 12 Kanama 2012 saa 18.00 z'Ikigali.

Ibihugu birindwi nibyo biziyongera kuri Algeria mu mukino yanyuma y'igikombe cy'afurika umwaka utaha.

Dore Indi Mikino Izagukinwa uyu munsi:

Ghana vs. Uganda

South Africa vs. Congo

Mauritius vs. DR Congo

Nigeria vs. Tanzania

Kenya vs. Egypt