Competitions

Abakinnyi batemerewe gukina imikino ya nyuma Div2

 

 

 

 

 

 

 

 

 

MUGWANEZA PACIFIQUE(GICUMBI)

UWINGABIRE OLIVIER(GICUMBI)

MIZERO ALAIN(GICUMBI)

Last Updated on Friday, 24 May 2013 10:49

Abasifuzi bazasifura imikino y'umunsi wa 19 Abagore

 

 

 

 

 

 

 

 

 

DATE	RECONTRE	TERRAINS	ARBITRE	AA1	AA2	COMMISSAIRE
DIMANCHE 26/5/2013	APR VS. LES LIONNES	FERWAFA 13H30	Uwizeyimana issa	Imanizabayo Monique	Rugabira Christella	Ntawiha Jean Pierre
	INYEMERA VS. ESIR	GICUMBI 13H30	Mukristo A.Robert	Yadufashije Jeanine	Mukamana Solange	Nsabimana Jean Claude
	THE WINNERS VS. AS KIGALI	CROIX ROUGE  13H30	Ndizeye Florien	Murangwa Sandrine	Twizeyimana Theogene	Munyemana Nuru
	URUMURI VS. RAMBURA	CAMP KIGALI 13H30	Mukayiranga Regine	Mukarurema M. Chantal	Ayinkamiye Seraphine	Nyirasafari Jeanette
	IMIRASIRE VS. BUGESERA	REGIE KANOMBE 13H30	Bimenyimana Jeremie	Ingabire Francine	Kayisabe Berinice	Kampire Jeanette

 

 

Last Updated on Friday, 24 May 2013 06:14

Abakinnyi batemerewe gukina ku munsi wa 23 PNFL

 

 

 

 

 

 

 

 

 

HATEGEKIMANA ABDALLAH(MARINES)

MUTWEWINGABO FIDELE(MARINES)

GAKUMBA CHARLES(MUSANZE)

MUSABYIMANA PHOCAS(AMAGAJU)

NDAYISENGA MBANYI(ESPOIR)

BISHIRA LATIF(ISONGA)

SEBERA SEGAWA MIKE(MUKURA)

Amategeko agenga irushanwa ry'igikombe cy'amahoro umwaka wa 2013

 

 

 

 

 

 

AMATEGEKO AGENGA IRUSHANWA RY’IGIKOMBE CY’AMAHORO UMWAKA WA 2013.

Ingingo ya 1.

Igikombe cy’Amahoro gikinirwa buri mwaka ; ikipe igitwaye igahagararira u Rwanda mu gikombe cya CAF (coupe de la Confédération) mu mwaka ukurikira.

Ingingo ya 2.

Uyu mwaka 2013 irushanwa ry’Igikombe cy’Amahoro rizakinwa n’amakipe yo mu cyiciro cya mbere n’ayo mu cyiciro cya kabiri, ni ukuvuga amakipe 34.

Ingingo ya 3.

Irushanwa rizakorwa mu byiciro bitanu, 1/16, 1/8 ; 1/4  ,1/2 cy’irangiza n’umukino wa nyuma w’igikombe.

Ingingo ya 4

Abitabiriye inama yo ku itariki ya 04/02/2013 nibo bakoze tombola y’uburyo amakipe  azahura hakurikije uburyo amakipe yitwaye mu gikombe cy’amahoro cy’umwaka wa 2012 ;bikazashyirwa ku rubuga rwa internet rwa FERWAFA.

Ingingo ya 5

Muri 1/8 hazakina amakipe 16 ya mbere  muri 17 yatsinze muri 1/16 hakurikijwe ibi bikurikira :

1. Ikinyuranyo cy’ibitego(Goal difference)
2. Ubusatirizi bwiza (Meilleure attaque)
3. Uburinzi bwiza(Meilleure défence)

4. Mu gihe hari amakipe yatsinze hiyambajwe za penaliti hazakurikizwa :

• Ubusatirizi bwiza (meilleur attaque) mu gihe gisanzwe cy’umukino(90’)
• Uwahise mu cyiciro cya mbere cya za penaliti (série igizwe na penaliti 5 zibanza)niwe uzakomeza kurenza uwahise mu cyiciro gikurikira(série 2 kigizwe na panaliti zikurikiyeho).

5. Mu gihe byose binganyije hazakurikizwa uburyo amakipe yakurikiranaga ku rutonde  muri shampiyona y’ umwaka          wa 2012-2013 ku mikino ibanza(phase aller).

Ingingo ya 6.

Kuva muri 1/16 kugeza muri 1/8 cy’irangiza amakipe azajya akina umukino umwe wo  kuvananamo (Aller simple), kuva muri ¼ kugeza muri ½ hakinwe imikino yo kwishyurana( Aller et Retour),naho umukino wanyuma n’umwanya wa gatatu bikinwe mu mukino umwe(aller simple).

Ingingo ya 7.

Mu gihe ayo makipe yanganyije muri 1/16 na 1/8  hazitabazwa penaliti.

Naho muri ¼ na ½, mu gihe amakipe anganyije amanota,harebwa :

-  Ikinyuranyo cy’ibitego

-  Iyo icyo kinyuranyo kingana harebwa ikipe yatsinze ibitego byinshi hanze.

Mu gihe habayeho kunganya kuri byose(égalité parfaite) hazitabazwa za penaliti.

Ingingo ya 8.

Buri mukino wose w’igikombe cy’amahoro umara iminota  mirongo cyenda (45’x2) uretse ku  umukino wa nyuma w’igikombe, iyo habayeho kunganya hongerwaho iminota 30(15x2) ,amakipe yakomeza kunganya hakitabazwa penaliti.

Ingingo ya 9.

FERWAFA niyo igena ibibuga bizakinirwaho mu bihe byateganyijwe n’amategeko.

Muri 1/16 na 1/8; ibibuga bizakinirwaho bizategurwa n’ikipe isanzwe ibarizwa aho umukino uzabera bigakorwa mu mafaranga azinjira kuri uwo mukino. Iyo kipe izafatanya na FERWAFA gushaka ibindi bisabwa mu migendekere myiza y'umukino Ku mikino isigaye,ikipe yasuwe niyo ibazwa ibijyanye no kutegura ikibuga ndetse n’umutekano.

Muri ¼ na ½, ikipe yakiriye umukino niyo igomba:

-  Gutegura ikibuga, kikaba gifite imirongo igaragara, inshundura ku mazamu,

- Gushaka abashinzwe umutekano ku kibuga,

-  Ibirebana n’ubuzima bw’abakinnyi(coix rouge,brancard na amburance).

-  Gushyiraho akazitiro kazengurutse ikibuga kari kuri metero enye uvuye ku murongo ukizengurutse kabuza abafana kwinjiramo.

Ingingo ya 10.

Ikipe itagiye ku kibuga izahanishwa gukurwa mu irushanwa ,bikozwe na komisiyo ishinzwe amarushanwa muri FERWAFA hanyuma iyo bari gukina ikomeze mu cyiciro gikurikira.

Muri ¼ na ½ ikipe ititabiriye umukino umwe muri ibiri iteganyijwe, izakurwa mu irushanwa na komisiyo ishinzwe amarushanwa.

Ingingo ya 11.

Iyo amakipe ahuje amabara, ikipe yasuye yavuzwe bwa kabiri ihindura  imyambaro.Igomba kandi kwitwaza imyambaro ibiri(2paires) ifite amabara atandukanye.

Ingingo ya 12.

Imikino izajya itangira saa cyenda n’igice (15h30) igihe ku kibuga habereye umukino umwe.

Igihe habaye imikino ibiri ku kibuga kimwe,umukino wa mbere uzajya utangira 13h00 naho uwa kabiri utangire 15h30.

Ingingo ya 13.

Iyo umukino uhagaze bitewe n’impamvu z’ibiza (cas de force majeur) usubirwamo bukeye bwaho, hagakinwa iminota yasigaye mu mukino wa mbere, ibitego  bikabarwa kandi amakarita yabonetse akomeza guhabwa agaciro.

Abakinnyi 18 bari  ku rupapura rw’umukino (feuille de match) ku umukino wa mbere ntibahinduka,ndetse n’abari mu kibuga nibo bakomeza umukino,no gusimburanya abakinnyi bigakomereza aho byari bigeze.

Abayobozi b’umukino nabo ntibahinduka keretse uwagize impamvu akabimenyesha FERWAFA.

Ingingo ya 14.

Hakina umukinnyi ufite ikarita ya FERWAFA kandi wari usanzwe akina shampiyona y’umwaka wa 2012/2013  mu ikipe akinamo mu mikino yo kwishyura (phase retour).

Ku bakinnyi b’abanyamahanga, hakurikizwa amategeko akoreshwa muri shampiyona y’igihugu y’icyiciro cya mbere 2012-2013.

Ingingo ya 15.

Amakarita y’ibihano ahabwa abakinnyi azajya abarwa mu gikombe cy’ Amahoro gusa ntaho ahuriye n’aya shampiyona.

Ibihano byatanzwe na komisiyo nkemurampaka(komisiyo y’imyitwarire n’iy’ubujurure)bigira ingaruka mu marushanwa yose no mu gikombe cy’amahoro.

Ingingo ya 16.

Imikino iyoborwa n’abasifuzi kandi ikagenzurwa na ba komiseri  bagenwa na FERWAFA,akaba aribo bayishyikiriza raporo mu bihe byateganyijwe.

Ingingo ya 17.

Gutanga ikirego bikorwa hakurukijwe ibiteganywa n’amategeko angenga umupira w’amaguru mu Rwanda.

Ingingo ya 18.

Amafaranga agabanwa ku buryo bukurikira:

-  Kuva muri 1/16 kugera muri ¼  amafaranga yinjiye ku kibuga  hatangwa  10 % y’ikibuga, nyuma asigaye akagabanywa amakipe abiri  ndetse na FERWAFA ku buryo bungana.

- Igihe amakipe yakinnye ari ane ku kibuga kimwe, 10%ni ay’ikibuga ,asigaye  azagabanywa ayo makipe ndetse na FERWAFA mu buryo bungana.

-  Muri 1/2 cy’’irangiza, FERWAFA n’ikibuga bagabana 20% naho asigaye akagabanywa amakipe ane azaba yageze muri 1/2 mu gihe yakiniye ku kibuga kimwe.

-  Mu gihe umwanya wa gatatu n’umukino wa nyuma w’igikombe byabereye ku kibuga kimwe, ayakiniye umwanya wa gatatu, FERWAFA n’ikibuga bagabana 40% naho ayakinnye umukino wa nyuma w’igikombe agabana 60%.

-  Mu gihe umwanya wa gatatu n’umwanya wa nyuma w’igikombe bitabereye ku kibuga kimwe, ikibuga kigenerwa 10% naho asigaye agabanwa n’amakipe yakinnye ndetse na FERWAFA mu buryo bungana.

Ingingo ya 19.

Ku umikino wa nyuma n’umwanya wa gatatu  igabana rizajya rikorwa nyuma yo kuvanaho 10% y’ikibuga ndetse na dépenses zose zabaye(Gukora ibibuga,Ball boys,Protocole; Croix rouge na Ambulance ndetse n’ibindi)

Ingingo ya 20 .

Nyuma ya buri mukino,abatoza bagomba kuvugana n’abanyamakuru mu gihe babisabwe. Komiseri w’umukino niwe ushaka aho ibyo biganiriro bibera mu gihe hashobora kuboneka.

Ingingo ya 21 .

Igihe ikipe izaba yatwaye igikombe cy’Amahoro ari nayo itwaye igikombe cya shampiyona, izahagararira u Rwanda mu gikombe cya Champions League, naho iyabaye iya kabiri muri shampiyona igahagararira u Rwanda mu gikombe cya CAF (Coupe de la Confédération) .

Ingingo ya 22

Haramutse hagaragaye ibindi bibazo bitavuzwe muri aya mategeko hazitabazwa amategeko agenga FERWAFA, CAF na FIFA.

 

Gasingwa Michel

Umunyamabanga Mukuru

Last Updated on Friday, 15 February 2013 13:25