Police, APR na Rayon Sports zatahanye itsinzi

Amakipe atatu: APR, Police na Rayon Sport ahabwa amahirwe yo kwegukana igikombe cy’Amahoro cy’uyu mwaka yabonye instinzi mu mikino ibanza ya 1/4 yakinwe yabaye kuri uyu wa kane.

Police yihanangirije ikipe ya Marines iyitsinda ibitego 5-1 kuri sitade ya Rubavu. Meddie Kagere yatsinze ibitego bitatu wenyine hanyuma Erivaldo na Jacques Tuyisenge nabo batsinda ibindi bisigaye.

Amiri Bitenderi niwe washoboye kubona igitego kimwe rukumbi cya Marines.

Kuri Sitade Amahoro, APR yatsinze SEC academy ibitego 3-1. Faty Papy yatsinze bibiri naho St. Lionnel Preux atsinda ikindi gitego bityo byuzura bitatu.

Isonga Isaace yatsinze igitego rukumbi cya SEC.

Ku mukino wakurikiyeho wahuje SC Kiyovu na Rayon Sport byarangiye ikipe ya Rayon Sport itsinze mucyeba igitego 1-0 gitsinzwe na Fuadi Ndayisenga.

Undi mukino wabaye kuri uyu wa gatatu ubwo Mukura yanganyije na AS Kigali iwayo kuri sitade ya Kamena.

Imikino yo kwishura irakinwa kuri uyu wa gatandatu no ku cyumweru.

Uko amakipe yatsindanye mu mikino ibanza ya 1/4 kirangiza

Kuwa gatatu

Mukura VS 0-0 AS Kigali

Kuwa kane

APR FC 3-1 SEC

Marines FC 1-5 Police FC

Kiyovu Sports 0-1 Rayon Sports